Hujjatlarni online rejimda taqdim etish bo’yicha

YO’RIQNOMA

Sharof Rashidov nomidagi Samarqand davlat universiteti Xalqaro ta’lim dasturlari markaziga hujjatlarni qabul qilish jarayoni online tarzda 25 - avgustga qadar amalga oshiriladi. Hujjat topshirish uchun shaxsiy kabinetda ro'yxatdan o'tish va u yerdan hujjat topshirish lozim. Online tarzda taqdim qilinadigan barcha shaxsiy ma’lumotlar va hujjatlarning to’g’riligi va haqqoniyligiga hujjat topshiruvchi abituriyent javobgar hisoblanadi. Shu sababli barcha ma’lumotlar ehtiyotkorlik bilan xatosiz ravishda hujjatning asl nusxasidan foydalangan holda kiritilishi lozim. Quyida talab qilinadigan ma’lumotlar va hujjatlarni tizimga kiritishning to’liq tartibi keltiriladi.

Familiyangiz, ismingiz va sharifingizni passport ma’lumotlariga asoslangan holda lotin alifbosidagi harflarda kiriting.
Tug’ilgan sana va tug’ilgan joy ham passport ma’lumotlari asosida kiritilishi lozim.
Passport seriyasi va raqamini ham ehtiyorkorlik bilan aniq kiriting.
Tugatgan ta’lim muassasangiz (maktab, kollej, akademik litsey) nomini attestat yoki diplomda ko’rsatilganidek aniq va to’liq yozing.
Ma’lumotingiz to’g’risidagi hujjatning seriyasi va raqamini kiriting.
Hujjat topshiradigan ta’lim yo’nalishingizni va xorijiy universitet nomini ro’yxatdan tanlang.
Telefon raqamingizni xalqaro standart asosida kiriting (+998 XX XXX XX XX )
Ma’lumotingiz to’g’risidagi hujjatning (attestat, diplom) PDF yoki JPEG elektron nusxasini ilovalari bilan birga yuklang. Bunda faylning hajmi 2 Mb dan oshmasligi tavsiya etiladi.
Passportingizni (doimiy yashash manzili (propiska) bilan) PDF yoki JPEG elektron nusxasini yuklang. Bunda faylning hajmi 1 Mb dan oshmasligi tavsiya etiladi.
O’zingizning 3x4 hajmdagi fotosuratingizni yuklang. Bunda fotosurat sifatli bo’lishi va umumiy talablarga javob berishi lozim. Rasm foni oq rangda bo’lishi va albatta kiyinish madaniyatiga rioya qilish talab etiladi. Rasmni JPEG formatida yuklang.
Xorijiy tilni bilish bo’yicha sertifikatingiz (CEFR, IELTS, TOEFL) mavjud bo’lsa uni ham JPEG yoki PDF formatda yuklang.
Siz kiritgan ma’lumotlar qabul bo’yicha tuzilgan ishchi guruh tomonidan to’g’ri va to’liq holatda kiritilganligi ko’rib chiqiladi. Barcha hujjatlar talab darajasida taqdim qilinganligiga ishonch hosil qilingandan keyin hujjatlaringiz qabul qilinganligi haqida sizga tasdiqlovchi xabar beriladi.

“O‘zbekiston Respublikasi va xorijiy hamkor oliy ta’lim tashkilotlarining qo‘shma ta’lim dasturlari asosida ta’lim faoliyatini tashkil etish tartibi to‘g‘risidagi nizomni tasdiqlash haqida” O‘zbekiston Respublikasi Vazirlar Mahkamasining 421-son qaroriga asosan kirish imtihonlari bo‘lib o‘tadi. 2024/2025-o‘quv yilida o‘qishga qabul qilish ikki bosqichda amalga oshiriladi: birinchi bosqichda – O‘zbekiston Respublikasi oliy ta’lim tashkiloti tomonidan xorijiy hamkor oliy ta’lim tashkiloti bilan kelishilgan holda ishlab chiqilgan qabul qilish tartibiga muvofik kirish imtihonlari o‘tkaziladi; ikkinchi bosqichda - O‘zbekiston Respublikasi oliy ta’lim tashkilotining buyurtmasi asosida Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan kelishilgan muddatlarda qo‘shma ta’lim dasturida o‘qitish olib boriladigan chet tilidan kirish imtihoni o‘tkaziladi.

Sharof Rashidov nomidagi Samarqand davlat universitetining 2024/2025 o‘quv yili qabuli uchun xorijiy hamkor oliy ta’lim muassasalari bilan hamkorlikda qo‘shma ta’lim dasturlari asosida kadrlar tayyorlash bo‘yicha to‘lov-kontrakt asosida qabul ko‘rsatkichlari

Shifr	Ta’lim yo‘nalishlari va mutaxassisliklar nomi	Hamkor xorijiy oliy ta’lim muassasasi nomi	To‘lov-kontrakt asosida qabul ko‘rsatkich-lari	Ta’lim shakli	Ta’lim tili	O‘qish muddati (OTM+hamkor OTM, yil)
BAKALAVRIAT
60410100	Iqtisodiyot	Koreya Respublikasi, Yeungnam universiteti	25	kunduzgi	Ingliz	2+2
60310200	Xalqaro munosabatlar	Koreya Respublikasi, Sunchunxyang universiteti	25	kunduzgi	Ingliz	2+2
60310300	Psixologiya	AQSh, Webster universiteti	25	kunduzgi	Ingliz	3+1
60510100	Biologiya	AQSh, Webster universiteti	25	kunduzgi	Ingliz	3+1
60530100	Kimyo	AQSh, Webster universiteti	25	kunduzgi	Ingliz	3+1
MAGISTRATURA
70210301	Muzeyshunoslik, tarixiy-madaniy ob’ektlarni konservatsiya qilish, ta’mirlash va saqlash	Rossiya Federatsiyasi, Rossiya davlat gumanitar universiteti	10	kunduzgi	Rus	1+1.5
70310201	Xalqaro munosabatlar va zamonaviy siyosiy jarayonlar	Rossiya Federatsiyasi, Rossiya davlat gumanitar universiteti	10	kunduzgi	Rus	1+1.5
70310301	Psixologiya	Hindiston, Chandigarh universiteti	12	kunduzgi	Ingliz	1+1
70320301	Hujjatchilik, hujjatshunoslik va arxivshunoslik	Rossiya Federatsiyasi, Rossiya davlat gumanitar universiteti	10	kunduzgi	Rus	1+1.5
70411001	Inson resurslarini boshqarish	Rossiya Federatsiyasi, Tomsk davlat universiteti	12	kunduzgi	Rus	1+1
70710201	Biotexnologiya	Hindiston, Chandigarh universiteti	12	kunduzgi	Ingliz	1+1
70610501	Sun’iy intellekt	Hindiston, Chandigarh universiteti	12	kunduzgi	Ingliz	1+1
70530201	Geografiya	Rossiya Federatsiyasi, Shimoliy Kavkaz federal universiteti	10	kunduzgi	Rus	0.5+1.5
70711101	Tibbiy-biologik apparatlar, tizimlar va majmualar	Belarus Respublikasi, Belarus milliy texnika universiteti	10	kunduzgi	Rus	1+1
70810404	Agrobiotexnologiya	Italiya, Tusha universiteti	12	kunduzgi	Ingliz	1+1
70811002	Uzumchilik va vinochilik	Italiya, Tusha universiteti	10	kunduzgi	Ingliz	1+1