Hujjatlarni online rejimda taqdim etish bo’yicha

YO’RIQNOMA

Sharof Rashidov nomidagi Samarqand davlat universiteti Xalqaro ta’lim dasturlari markaziga hujjatlarni qabul qilish jarayoni online tarzda 2026-yil ......gacha qadar amalga oshiriladi. Hujjat topshirish uchun shaxsiy kabinetda ro'yxatdan o'tish va u yerdan hujjat topshirish lozim. Online tarzda taqdim qilinadigan barcha shaxsiy ma’lumotlar va hujjatlarning to’g’riligi va haqqoniyligiga hujjat topshiruvchi abituriyent javobgar hisoblanadi. Shu sababli barcha ma’lumotlar ehtiyotkorlik bilan xatosiz ravishda hujjatning asl nusxasidan foydalangan holda kiritilishi lozim. Quyida talab qilinadigan ma’lumotlar va hujjatlarni tizimga kiritishning to’liq tartibi keltiriladi.

Familiyangiz, ismingiz va sharifingizni passport ma’lumotlariga asoslangan holda lotin alifbosidagi harflarda kiriting.
Tug’ilgan sana va tug’ilgan joy ham passport ma’lumotlari asosida kiritilishi lozim.
Passport seriyasi va raqamini ham ehtiyorkorlik bilan aniq kiriting.
Tugatgan ta’lim muassasangiz (maktab, kollej, akademik litsey) nomini attestat yoki diplomda ko’rsatilganidek aniq va to’liq yozing.
Ma’lumotingiz to’g’risidagi hujjatning seriyasi va raqamini kiriting.
Hujjat topshiradigan ta’lim yo’nalishingizni va xorijiy universitet nomini ro’yxatdan tanlang.
Telefon raqamingizni xalqaro standart asosida kiriting (+998 XX XXX XX XX )
Ma’lumotingiz to’g’risidagi hujjatning (attestat, diplom) PDF yoki JPEG elektron nusxasini ilovalari bilan birga yuklang. Bunda faylning hajmi 2 Mb dan oshmasligi tavsiya etiladi.
Passportingizni (doimiy yashash manzili (propiska) bilan) PDF yoki JPEG elektron nusxasini yuklang. Bunda faylning hajmi 1 Mb dan oshmasligi tavsiya etiladi.
O’zingizning 3x4 hajmdagi fotosuratingizni yuklang. Bunda fotosurat sifatli bo’lishi va umumiy talablarga javob berishi lozim. Rasm foni oq rangda bo’lishi va albatta kiyinish madaniyatiga rioya qilish talab etiladi. Rasmni JPEG formatida yuklang.
Xorijiy tilni bilish bo’yicha sertifikatingiz (CEFR, IELTS, TOEFL) mavjud bo’lsa uni ham JPEG yoki PDF formatda yuklang.
Siz kiritgan ma’lumotlar qabul bo’yicha tuzilgan ishchi guruh tomonidan to’g’ri va to’liq holatda kiritilganligi ko’rib chiqiladi. Barcha hujjatlar talab darajasida taqdim qilinganligiga ishonch hosil qilingandan keyin hujjatlaringiz qabul qilinganligi haqida sizga tasdiqlovchi xabar beriladi.

“O‘zbekiston Respublikasi va xorijiy hamkor oliy ta’lim tashkilotlarining qo‘shma ta’lim dasturlari asosida ta’lim faoliyatini tashkil etish tartibi to‘g‘risidagi nizomni tasdiqlash haqida” O‘zbekiston Respublikasi Vazirlar Mahkamasining 421-son qaroriga asosan kirish imtihonlari bo‘lib o‘tadi.

2026/2027-o‘quv yilida o‘qishga qabul qilish ikki bosqichda amalga oshiriladi: birinchi bosqichda – O‘zbekiston Respublikasi oliy ta’lim tashkiloti tomonidan xorijiy hamkor oliy ta’lim tashkiloti bilan kelishilgan holda ishlab chiqilgan qabul qilish tartibiga muvofik kirish imtihonlari o‘tkaziladi; ikkinchi bosqichda - O‘zbekiston Respublikasi oliy ta’lim tashkilotining buyurtmasi asosida Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan kelishilgan muddatlarda qo‘shma ta’lim dasturida o‘qitish olib boriladigan chet tilidan kirish imtihoni o‘tkaziladi.

🔑 Qo'shma dasturda o'qishning afzallik tomonlari:

— Samarqand davlat universiteti hamda Hindiston, Italiya, Koreya Respublikasi (Janubiy Koreya), Rossiya va Xitoydagi top 1000 talikka kiruvchi nufuzli universitetlarning O’zbekstonda va jahonda tan olinadigan xalqaro diplomlari;

— Xalqaro reytinglardagi top 300 talik ro‘yxatiga kiritilgan xorijiy oliy ta’lim muassasalarini (bakalavriat, magistratura) tamomlagan yosh mutaxassislarning maoshiga to‘lab beriladigan bazaviy hisoblash miqdorining 40 baravarigacha qo‘shimcha ustamalar: (O‘zbekiston Respublikasi Prezidentining 2021-yil 13-iyuldagi PF-6260-son Farmoniga 1-ILOVA https://lex.uz/docs/-5512119 )

— Koreya Respublikasida 100%, 50% 30% va Xitoyda grant o‘rinlari;

— Xorijlik o'qituvchilardan taʼlim olish;

— Hindiston, Italiya, Koreya Respublikasi (Janubiy Koreya), Rossiya va Xitoy oliy ta'lim sifati va muhiti;

— Kamida B1 (bakalavriatda) milliy yoki xalqaro til sertifikati bilan til imtihonisiz qabul (sertifikat bo'lmasa test topshirasiz).

Sharof Rashidov nomidagi Samarqand davlat universitetining 2026/2027 o‘quv yili qabuli uchun xorijiy hamkor oliy ta’lim muassasalari bilan hamkorlikda qo‘shma ta’lim dasturlari asosida kadrlar tayyorlash bo‘yicha to‘lov-kontrakt asosida qabul ko‘rsatkichlari

Shifr	Ta’lim yo‘nalishlari va mutaxassisliklar nomi	Hamkor xorijiy oliy ta’lim muassasasi nomi	Hamkor OTMning xalqaro reytingdagi o'rni	To‘lov-kontrakt asosida qabul ko‘rsatkich-lari	Ta’lim shakli	Ta’lim tili	O‘qish muddati (OTM+hamkor OTM, yil)
BAKALAVRIAT
60310200	Xalqaro munosabatlar	Koreya Respublikasi, Sunchunxyang universiteti	1001	25	kunduzgi	Ingliz	2+2
60410100	Iqtisodiyot	Koreya Respublikasi, Yeungnam universiteti	501	25	kunduzgi	kunduzgi	2+2
60420100	Yurisprudensiya	Xitoy, Sharqiy Xitoy Siyosatshunoslik va Huquq Universiteti	150-200	50	kunduzgi	kunduzgi	2+2
60530100	Kimyo	Rossiya Federatsiyasi, Moskva davlat universiteti, Xitoy, Moskva davlat universiteti-Pekin Politexnika instituti qo’shma universiteti	115	25	kunduzgi	Rus	2+2
60610400	Dasturiy injiniring: aqlli transport tizimlari va uchuvchisiz platformalar	Rossiya Federatsiyasi, Qozon (Volga viloyati) Federal universiteti	401	25	kunduzgi	Rus	2+2
	Jami			150
MAGISTRATURA
70310201	Xalqaro munosabatlar va zamonaviy siyosiy jarayonlar	Rossiya Federatsiyasi, Rossiya davlat gumanitar universiteti	1400	15	kunduzgi	Rus	1+1.5
70310301	Psixologiya	Hindiston, Chandigarh universiteti	526	15	kunduzgi	Ingliz	1+1
70510101	Biologiya: Bioinformatika	Rossiya Federatsiyasi, Tomsk davlat universiteti	431	15	kunduzgi	Ingliz	1+1
70610304	Ma’lumotlar ilmi: Biznes uchun ma’lumotlar tahlili	Rossiya Federatsiyasi, Tomsk davlat universiteti	431	15	kunduzgi	Rus	1+1
70610304	Ma’lumotlar ilmi	Hindiston, Chandigarh universiteti	526	15	kunduzgi	Ingliz	1+1
70530501	Fizika: fizika muhandisligi	Xitoy, Shaanxi fan va texnologiya universiteti	901	15	kunduzgi	Ingliz	1+1
	Jami			170